Këshilli Bashkiak Devoll, i dha titullin “Qytetar Nderi i Devollit” të ndjerit z. Myfit Lulo!

Myfit Lulo lindi më 28 Nëntor 1929 në fshatin Baban të rrethit Devoll. Që në rininë e tij, mori pjesë në shumë kantiere për rindërtimin e Atdheut, në tharjen e kënetave dhe ngritjen e hidroçentraleve dhe kombinateve në çdo cep të vendit. Ai ka qënë zëvendës / drejtor i kantierit të ndërtimit në Kombinatin Metalurgjik ne Elbasan. Jeta e tij është e shkruar në shumë qytete si : Gramsh, Elbasan , Cërrik , Tiranë etj.

Në vitet e fundit të jetës , ai ishte president i firmës së tij ndërtuese “Korça “, në Tiranë. Me ndërgjegjen e pastër dhe zemërmadhësinë e tij, ndihmoi shumë në jetën sociale dhe atë të ndërtimit të Devollit dhe në vende të tjera .Ai ndërroi jetë në 20 Shkurt 2019!